2018 оны 08 дугаар сарын 29-ний өдөр ХНХ-ын дэд сайд С.Мөнгөнчимэг, ХНХЯ-ны Хүн амын хөгжлийн газрын дарга С.Тунгалагтамир нар Монгол Улсын Их хурлын 2018 оны 06 дугаар сарын 21-ний өдрийн 56 дугаар тогтоол, Засгийн газрын 2018 оны 08 дугаар сарын 15-ны өдрийн 250 дугаар тогтоолоор байгуулагдсан Хөгжлийн бэрхшээлтэй хүний хөгжлийн ерөнхий газарт хүрэлцэн ирж, агентлагийн ажилтан, албан хаагчдад баяр хүргэж, ажлын амжилт хүслээ.

Мөн Хөгжлийн бэрхшээлтэй хүний хөгжлийн ерөнхий газрын даргын үүргийг түр орлон гүйцэтгэгчээр СЗСҮТ-ийн даргаар ажиллаж байсан Ц.Ганчимэгийг томилсон тухай Засгийн газрын тогтоолыг танилцуулж, гардуулан өглөө.