Аутизмын тухай мэдээлэл, мэдлэг түгээх зорилгоор Аутизмыг таниулах дэлхийн өдөр, та бvхэнд Аутизмын тухай 15 баримтыг танилцуулж байна:

1. Ѳнѳѳдѳр дэлхийд 70 сая хүн Аутизмын хvрээний эмгэгтэй байна.
2. АНУ-д 8 настай 68 хүүхдийн 1 нь Аутизмтай байна. БНСУ-д Аутизм хамгийн тvгээмэл буюу 38 хүүхдэд 1 тохиолддог байна.
3. Аутизм эрэгтэй хүүхдэд 4-5 дахин олон тохиолддог.
4. Аутизмтай хүмүүсийн 1/3 нь эпилепситэй буюу унаж татдаг.
5. Аутизмтай хүмүүсийн 25% нь хэл яриагvй байдаг.
6. Аутизмыг дунджаар 4 настайд оношилж байна.
7. Аутизмтай хүмүүсийн тал хувь нь оюуны чадавх хэвийн буюу ѳндѳр байдаг.
8. Аутизм бол ѳвчин биш, эмгэг учраас Аутизмтай гэж оношлогдсон хvн насан туршдаа Аутизмтай байна.
9. Аутизмын шалтгааныг одоогоор тогтоогоогvй ба эмчилгээ байхгvй байна.
10. Аутизмыг ямар нэгэн багаж техникээр илрүүлэх боломжгvй ба гагцхүү асуулга, ажиглалтаар оношилдог.
11. Аутизмын шинж тэмдгүүд 6 сартайгаас илэрч эхэлдэг ба 18 сартайд аутизмыг оношлох боломжтой.
12. Аутизмыг анх 1943 онд Лео Каннер гэдэг эмч дvрсэлж тодорхойлсон ба одоо Аутизмын үндсэн гол шинжүүд бүхий Аутизмыг сонгодог Аутизм буюу Каннерын Аутизм гэж нэрлэдэг.
13. Австрийн эмч Ханс Аспергер гэдэг эрдэмтэн 1944 онд нийгэмших чадвар муутай хэсэг хүүхдийг дүрсэлснээр Аспергерийн хам шинж гэдэг ойлголт бий болсон.
14. Аутизмтай хүмүүс тохирсон арга барил, сургалтын хѳтѳлбѳрѳѳр сурах чадвартай.
15. Аутизмтай хүмүүс оюуны чадвар сайтай ч нийгэмших чадвар султай учраас 10% нь л ажил хийдэг, 5% нь л найзтай ба гэр бүлтэй байдаг. Энэ нь Аутизмтай хүмүүс амьдралын чанар маш доогуур байна гэсэн үг.