СЗХҮТ-ийн Боловсролын сэргээн засалтын газрын 2016-2017 оны шинэ хичээлийн жилд “Нийгэмшүүлэх хөтөлбөр”-ийн хүрээнд зохион байгуулж буй төлөвлөгөөт ажлуудын нэг “Танилцах үдэшлэг” амжилттай зохион байгуулагдлаа.

Тус үдэшлэгт мэргэжлийн 2,5 жилийн 3 анги, 1 жилийн сургалттай 3 анги, Хөгжүүлэх ангийн оюутнууд оролцож багш хамт олонтойгоо танилцаж нэгэн өдрийг эрүүл, хөгжөөнтэй, зугаатай өнгөрүүллээ. Энэ нь оюутнуудын олны дунд нийгэмших, анги хамт олон багш нартайгаа харилцах чадварыг нэмэгдүүлэхэд ихээхэн түлхэц болж байгаа юм.

Ангиудын танилцуулга, мэндчилгээ, дуу, шүлэг, загварын шоу, хөгжөөнт тоглоом, тааварт тоглоом зэрэг үйл ажиллагааг явуулж, уралдаанд ялсан баг, тамирчинд бэлэг гардуулснаар оюутнуудын сэтгэл ханамж өндөр байлаа.